प्यूठान : विभाजनपछि दुई धुर्वमा बाडिएका नेकपाका नेता कार्यकर्ताहरुले आफ्ना कार्यक्रमलाई तिव्रताका साथ अघि बढाएका छन् । पार्टी फूटेपछि गाउँ गाउँमा रहेका आफ्ना नेता कार्यकर्ताहरुलाई पछिल्लो विभाजन र पार्टीको नीति, सिद्धान्तका बारेमा प्रशिक्षण दिन नेताहरु गाउँ गाउँ पुगेका हुन् । दुवै तर्फका नेता, कार्यकर्ताहरु खुलेरै गाली गलौजमा उत्रिएका छन् । पार्टी टुटपछि दुवैतिरका नेता, कार्यकर्ताहरु आफ्नो अस्तित्व खोज्न् लागिपरेका छन् ।
ओली गुटको सरुमारानीमा गाउँपालिकामा भेला भएका कार्यकर्ताहरु ।
देशभर कार्यक्रम भइरहँदा नेकपाका दुवै गुटका कार्यक्रमहरु प्यूठानका गाउँ गाउँमा भएका छन् । प्रधानमन्त्री समेत रहेका नेकपा अध्यक्ष केपी शर्मा ओली गुटको कार्यक्रम शनिवार सरुमारानी गाउँपालिका बडडाँडामा सम्पन्न भयो । केन्द्रिय सदस्य एवं लुम्विनी प्रदेश सभा सदस्य हरी रिजालको प्रमुख आतिथ्यतामा भएको कार्यक्रममा सयौँ कार्यकर्ता उपस्थिती थिए । प्यूठानमा केपी ओली गुट निकट नेकपाको बोलियो उपस्थिती रहेको नेताहरुले सुनाए । यस अघि प्रचण्ड निकट देखिएका प्यूठान निवासी नेता मणी थापा केपी ओली समूहमा छन् । थापा खानेपानी तथा सरसफाई मन्त्रीमा नियूक्ती समेत भए ।
प्रचण्ड माधव गुटका कार्यकर्ताहरु कालो पट्टी बाँधेर विरोधमा उत्रिदै ।
प्रचण्ड–माधव नेपाल गुटले पनि कार्यक्रमलाई तिव्र रुपमा गाउँ तहमा लगेको छ । जुम्रिबजारदेखि सदरमुकाम खलंगासम्म मोटरसाइकल र्याली गरी जिल्ला प्रशासन कार्यालय अगाडी कोणसभा गरेर नेताहरुले प्रधानमन्त्री एवं पार्टी अध्यक्ष केपी शर्मा ओली विरुद्ध खुलेर विरोध गरे । पूर्व संविधानसभा सदस्य धन बहादुर रायमाझी, नेता कृष्ण अधिकारी प्रकाश, विद्यार्थी नेता सुमन श्रेष्ठले सभालाई सम्वोधन गर्दै संसद् विघटन असंवैधानिक भएकाले पूनःस्थापनाको माग गरे । उनीहरुले गाउँपालिका स्तरीय कार्यक्रमलाई तिव्रका साथ लगेका छन् ।
ओली गुटका नेताहरु, सरुमारानी गाउँ संगठन कमिटीको कार्यक्रममा ।
साविक एमाले र माओवादी केन्द्र मिलेपछि बनेको नेकपाले मूर्तरुप नपाउँदै पार्टी फूटेपछि कार्यकर्ताहरु तितरवितर बनेका छन् । नेताहरु कार्यकर्तालाई आ आफ्नो गुटमा ल्याउन कसरत गरिरहेका छन् ।
प्रचण्ड माधव गुटका नेता धन बहादुर रायमाझी र कृष्ण अधिकारी प्रकाश ओली विरुद्धको कार्यक्रममा ।
.JPG)
.jpg)
