बुटवल : बुटवलमा क्रियाशिल पत्रकारहरुका लागि कोरोनाको पिसिआर परिक्षण सहित निःशुल्क उपचार हुने भएको छ । नेपाल पत्रकार महासंघ र लुम्विनी प्रादेशिक अस्पताल बुटवलबीच पत्रकारको निःशुल्क उपचार सम्वन्धी सम्झौता भएको हो । पत्रकार महासंघ रुपन्देहीमा ३ सय २१ जना पत्रकारहरु आवद्ध छन् । महासंघको सिफारिसको आधारमा कोरोना संक्रमित पत्रकारहरुलाई एसडियू, आइसियू बेड र ज्वरो क्लिनिकमा परामर्श गर्ने सम्झौता भएको पत्रकार महासंघ रुपन्देहीका अध्यक्ष रामराज पोखरेलले जानकारी दिए ।
कोरोना त्रासमा पनि अग्रभागमा खटिएर स्थलगत रिर्पोटिङ गर्ने पत्रकारहरुलाई उपचारको व्यवस्था मिलाइएको लुम्विनी प्रादेशिक अस्पतालका मेडिकल सुपरिटेण्डेन्ट डाक्टर इन्द्र ढकालले बताए । तेस्रो लहरको ओमिक्रोन भेरियन्ट बढी फैलिने सूचिमा सरकारले रुपन्देहीलाई पनि राखेको छ ।
