बुटवल : रुपन्देहीको तिलोत्तमा नगरपालिकाले आफ्नो नगरक्षेत्रमा गुट्खाजन्य पदार्थ विक्री वितरणमा रोक लगाएको छ । गुट्खाजन्य पदार्थले स्वास्थ्यमा गम्भिर असर पार्ने र त्यसबाट निस्कने फोहोरले नगरक्षेत्रको सौन्दर्यतामा समेत प्रतिकुल असर पारेको भन्दै विक्रीवितरणमा रोक लगाउने निर्णय गरेको हो ।
नगरपालिकाको हरियाली प्रर्वद्धन तथा नगर सरसफाई अभियानको १०० औँ श्रृङ्खलाको मूल समारोहले यस्तो निर्णय गरेको प्रमुख प्रशासकीय अधिकृत नारायण अर्यालले जानकारी दिए । सार्वजनिक सूचना जारी गरेर नगरपालिकाले गुट्खा विक्रीमा प्रतिवन्ध गराएको छ ।
अनुगमनको क्रममा विक्री गरेको पाइएमा नगरपालिकाले जरिवानाको दरसमेत तोकेको छ । अनुगमन गर्दा विक्री गरेको भेटिएमा पहिलो पटक डिलर व्यवसायीलाई दश हजार, अन्य व्यवसायीलाई १ हजार पाँच सय, दोस्रोपटक डिलर व्यवसायीलाई २० हजार, अन्य व्यवसायीलाई तीन हजार र तेस्रो पटक भेटिएमा डिलर व्यवसायीलाई ५० हजार र अन्यलाई ५ हजार जरिवाना तोकिएको छ ।
.jpg)
