भिजिविलिटी नपुग्दा भैरहवा–काठमाण्डौँ उडान ठप्प

पोष्ट

गृहपृष्ठ
पोष्ट
भिजिविलिटी नपुग्दा भैरहवा–काठमाण्डौँ उडान ठप्प

भिजिविलिटी नपुग्दा भैरहवा–काठमाण्डौँ उडान ठप्प

शनिबार, पुस ४, २०७७ आजको पोष्ट

भैरहवा । आकाशमा भिजिविलिटी नपुग्दा शनिवार भैरहवा–काठमाण्डौँ दुइतर्फी उडान ठप्प भएको छ । गौतम बुद्ध अन्तराष्ट्रिय विमानस्थलका सूचना अधिकारी विनोद रावतका अनुसार शनिवार एउटा पनि उडान भएन् ।

खराव मौसमका कारण त्रिभुवन अन्तराष्ट्रिय विमानस्थलमा अलपत्र परेका यात्रुहरु । तस्विर : केशरराज ।

उडान नहुँदा भैरहवादेखि काठमाण्डौँ, काठमाण्डौँदेखि भैरहवा र पोखरा भैरहवा ओहारदोहोर गर्ने यात्रुहरु बीचमै अलत्रप परे । सूचना अधिकारी रावतका अनुसार भैरहवादेखि काठमाण्डौँ र पोखराका लागि दैनिक कम्तीमा दश वटा उडान हुने गरेका छन । कोरोना संक्रमणको जोखिमअघि बढीमा १५ वटा उडान हुने गरेका थिए ।

शनिवार विहानैदेखि मौसम खराव रहेको रावतले बताए । रावतले आजको पोष्टलाई दिएको जानकारी अनुसार बुद्ध एयरलायन्सले पाँच पटक, एति एयरलायन्सले दुई, सौयए र श्रीएयरलायन्यसले एक÷एक पटक उडान गर्दै आएका छन् ।

कम्तीमा एक हजार ६ सय मिटर भिजिविलिटी हुनुपर्नेमा शनिवार एक हजारदेखि बढीमा एक हजार एक सय मिटरसम्म मात्र भिजिविलिटी रहेको सूचना अधिकारी रावतले बताए । केही दिनदेखि तराईमा मौसम दिनानुदिन खराव हुँदै गएको छ ।

प्रकाशित मिति: शनिबार, पुस ४, २०७७ २०:३१