बुटवल : प्यूठान र प्यूठानीलाई बुटवलमा स्थापित गर्न विशेष भूमिका निर्वाह गरेका प्यूठान–रुपन्देही सम्पर्क मंचका संस्थापक अध्यक्ष पदम बहादुर जिसीको निधन भएको छ । मस्तिष्कको समस्याबाट थलिएका जिसीको बुधवार राती निधन भएको हो । ७३ वर्षिय जिसीको जन्मघर झिमरुक गाउँपालिका ५ ओखरकोट प्यूठान हो । उनी हाल बुटवलस्थित चाँदबारीमा बस्दै आएका थिए । पुस्तक व्यवसायी समेत रहेका जिसीको बुटवलमा संचालन भएको विशाल पुस्तक सवैले चिन्ने गर्दछन् ।
जिसी प्यूठानीका साझा अभिभावक थिए । ०५९ सालमा प्यूठान रुपन्देही सम्पर्क मंच उनकै नेतृत्वमा स्थापना भएको हो । उनी मंचको दुई कार्यकाल अध्यक्ष भए । भर्खर भर्खर बुटवल झरेका प्यूठानीहरुको दुःख, सुखमा जिसीले आफ्नै परिवारजस्तै सम्झेर साथ दिने गरेको जिल्लाबासी सुनाउँछन् । जिसीका एक छोरा र एक छोरी छन् । स्वर्गिय जिसीको निधनप्रति आजको पोष्ट परिवार भावपूर्ण श्रद्धाञ्जली र परिवारमा समवेदना प्रकट गर्दछ !
.jpg)
.jpg)
