मदरसा व्यवस्थापनमा राज्यको ध्यान नपुगेको गुनासो

पोष्ट

गृहपृष्ठ
पोष्ट
मदरसा व्यवस्थापनमा राज्यको ध्यान नपुगेको गुनासो

मदरसा व्यवस्थापनमा राज्यको ध्यान नपुगेको गुनासो

मंगलबार, फागुन ३०, २०७९ आजको पोष्ट

प्यूठान : मदरसा व्यवस्थापनमा राज्यको ध्यान नपुगेको लुम्बिनी प्रदेस मदरसा व्यवस्थापन समितिका उपाध्यक्ष मौलाना मशहुद खाँ नेपालीले बताएका छन् । मंगलबार प्यूठानको बाग्दुलामा संचालित अस्थायी मदरसाको अनुगमन गर्दै उनले भने,‘हाम्रो मौलानाहरुलाई नेपाली पाठ्यक्रमको शिक्षक सरहको दरबन्दीको व्यवस्था हुन सकिरहेको छैन ।’

न्यून मात्रामा दिईने बार्षिक अनुदानले मदरसा व्यवस्थापन हुन नसकेको उनको गुनासो छ । मदरसाहरुलाई नेपाल सरकारले वार्षिक २ लाख ४१ हजार रुपैयाँ अनुदान दिने गरेको छ । संविधानतः मातृ भाषामा अध्ययन अध्यापन गर्ने, गराउने अधिकारको सुनिश्चितता राज्यले व्यवहारतः कार्यान्वयन गर्नुपर्नेमा उनले जोड दिए ।

प्यूठान नगरपालिकाले धार्मिक शिक्षा, धार्मिक संस्कृतिको संरक्षण र समान पहुँचका लागि सहज वातावरण सिर्जना गर्नुपर्ने बाग्दुलाका मुस्लिम समुदायका अगुवाहरूले बताएका छन् ।

केहि दिन भित्रै प्यूठान नगरपालिकामा अस्थायी रूपले बसोबास गर्दै आएका मुस्लिम समुदायको प्रतिनिधि समुहले प्यूठान नगरपालिकाको ध्यानाकर्षण गराउने निर्णय भएको मुस्लिम अगुवा प्यार अलि खाँनले जानकारी दिए । प्यूठान नगरपालिका ८ स्थित बाग्दुलामा अस्थायी रूपमा मदरसा सञ्चालन हुदै आएको छ ।a

प्रकाशित मिति: मंगलबार, फागुन ३०, २०७९ १८:४९

प्रतिक्रिया दिनुहोस्