प्यूठान : नेपाल नीजामती कर्मचारी संगठनको ३३ औं स्थापना दिवसका अवसरमा प्यूठान अस्पतालमा रहेका बिरामीहरुलाई फलफूल वितरण गरिएको छ । अस्पतालमा भर्ना भएका ३९ जना बिरामीलाई फलफुल वितरण गरि स्वास्थ्यलाभको कामना गरिएको नेपाल नीजामती कर्मचारी संगठनका जिल्ला अध्यक्ष हरि पौडेलले जानकारी दिए ।
प्यूठान अस्पतालका प्रमुख प्रमिला खनालले संगठनले बिरामीलाई फलफूल वितरण गरेर बिरामीको हौसला बढाएकोप्रती खुशी व्यक्त गरिन् । यस्ता खालका सामाजिक कार्यले सकारात्मक सन्देश प्रवाह गर्ने भन्दै सबै मिलेर मानव सेवामा लाग्नुपर्ने उनले बताइन् ।
पेशागत महासंघका जिल्ला अध्यक्ष दल बहादुर केसीले कर्मचारीले जनतालाई दिने सेवा प्रभाव अब्बल बनाउदै जनताको मनोभावना अनुसार काम गर्नुपर्ने बताए । कर्मचारीको पहिलो काम जनताको सेवा गर्दै पेशागत सुरक्षा लगाए सामाजिक कार्यमा अग्रणी भुमिका निर्वाह गर्नुपने उनको भनाइ छ । नीजामती कर्मचारी संगठनका जिल्ला अध्यक्ष हरि पौडेलले राज्यले दिएको जिम्मेवारीलाई नियम कानुन अनुसार गर्नुपर्ने बताए ।
.jpg)
