एमाले, कांग्रेस मिलेर स्थायी सरकार बनाउनुपर्छ : सूर्य थापा

राजनीति

गृहपृष्ठ
राजनीति
एमाले, कांग्रेस मिलेर स्थायी सरकार बनाउनुपर्छ : सूर्य थापा

एमाले, कांग्रेस मिलेर स्थायी सरकार बनाउनुपर्छ : सूर्य थापा

बिहीबार, मंसिर २९, २०७९ आजको पोष्ट

बुटवल : स्थायी सरकार बनाउनका लागि नेकपा एमाले र नेपाली कांग्रेस मिलेर जानुको विकल्प नरहेको नेकपा एमालेका पोलिटब्यूरो सदस्य एवं प्यूठानका प्रतिनिधिसभा सदस्य सूर्य थापाले बताएका छन् ।

विहिवार बुटवलमा आयोजित नेकपा एमाले रुपन्देही–प्यूठान सम्पर्क मंचको बधाई तथा शुभकामना कार्यक्रमपछि संचारकर्मीहरुसँगको भेटघाटमा बोल्दै नेता थापाले एमाले, कांग्रेस मिलेर स्थायी सरकार बनाउने गरी जनादेश दिएको उल्लेख गरे । ‘च्वाँखे थाप्ने बामपन्थीसँग मिलेर एमालेले फेरीपनि बामगठवन्धनको नाममा सरकार बनाउँदैन्’,उनले भने,‘जनताको जनमत मुलुकका दुई ठूला पार्टी मिलेर जानुपर्छ भन्ने छ, त्यसै अनुसार सरकार बन्नुपर्छ ।’

बामगठवन्धनको बाहानामा नेकपा माओवादी केन्द्रका अध्यक्ष पुष्पकमल दाहाल (प्रचण्ड)लाई प्रधानमन्त्री बनाएर जाने कुरा किमार्थ स्वीकार गर्न नसकिने उनको भनाई छ । एमाले माओवादी मिलेर बनेको नेकपामा प्रचण्ड र माधव कुमार नेपालको पार्टी कब्जा गर्ने गलत मनशायका कारण समस्या पैदा भएको उनको प्रतिक्रिया छ । ‘फेरीपनि बामपन्थी मिलेर गाईजात्रा गरुन भन्ने अहिलेको जनमत होइन्’,थापाले भने,‘बामपन्थी सरकार बन्छ भन्नेमा म विश्वस्त छैन् ।’ सूर्य थापाले वर्तमान निर्वाचन प्रणाली मुलुकको स्थीरताको पक्षमा नरहेको समेत उनको भनाई छ ।

बधाई तथा शुभकामना कार्यक्रममा बोल्दै रुपन्देही–प्यूठान सम्पर्क मंचका अध्यक्ष विनोद गिरीले प्यूठानको समग्र विकासका लागि स्पष्ट दृष्टिकोण, क्षमता र पहुँच भएको नेता जिल्ला पाएको उल्लेख गरे । जिल्लाबासीको जीवनमा गुणात्मक परिवर्तन ल्याउने गरी काम गर्न उनले सुझाव दिए । कार्यक्रमको सहजीकरण मंचका सचिव कृष्णराज पाण्डेले गरेका थिए ।

प्रकाशित मिति: बिहीबार, मंसिर २९, २०७९ २०:०६

प्रतिक्रिया दिनुहोस्