मिसन ग्रासरुट : प्यूठानको एमाले टोलटोलमा

राजनीति

गृहपृष्ठ
राजनीति
मिसन ग्रासरुट : प्यूठानको एमाले टोलटोलमा

मिसन ग्रासरुट : प्यूठानको एमाले टोलटोलमा

शुक्रबार, फागुन २६, २०७९ आजको पोष्ट

प्यूठान : राष्ट्रिय अभियान अन्तर्गत नेकपा एमाले प्यूठानद्वारा संचालित मिसन ग्रासरुटले तिब्रता पाउँदै गएको छ । अभियान अन्तर्गत जिल्लाका नौ वटै स्थानीय तहमा तोकिएका कार्यक्रमहरु संचालन भइरहेको पार्टीका जिल्ला कमिटी अध्यक्ष विजयविराज विष्टले जानकारी दिए ।

‘गाउँ, टोल, बस्ती र जनजनमा पुग्ने गरि हाम्रा कार्यक्रमहरु संचालन भइरहेको छन्’, विष्टले भने, ‘संगठन सुदृढीकरण तथा विस्तार मुख्य लक्ष्य छ ।’ पार्टीका नीति विचार कार्यक्रमबारे तल्लो तहसम्म जानकारी गराउने कार्यक्रम मिसन ग्रासरुट अन्तर्गत रहेको उनको भनाई छ ।

अभियान अन्तर्गत शुक्रबार प्यूठान नगरपालिका वडा नं ८ मा कार्यक्रम सम्पन्न गरिएको छ । वडा स्तरीय अगुवा कार्यकर्ता भेला तथा प्रशिक्षण कार्यक्रमलाई नेकपा एमाले लुम्बिनी प्रदेश कमिटी सदस्य अजय सिंहले प्रमुख प्रशिक्षकका रूपमा प्रशिक्षित गरे । देशमा स्थिरता र दिगो विकासका लागि ५१ प्रतिशत जनमत हासिल गर्ने गरि पार्टी जनतासामु जानुपर्ने सिँहको जोड छ । समृद्ध नेपाल सुखी नेपालीको सपना एमाले बाहेक अरु राजनैतिक दलले पूरा गर्न नसक्ने उनले ठोकुवा समेत गरे ।

भेलामा जिल्ला सचिवालय सदस्य हिरामणी भण्डारी, जिल्ला कमिटी सदस्य प्यार अलि खाँन र पवित्रा जिसीले प्रशिक्षण मन्तव्य राखेका थिए । भेलाले वडा नं ८ साविक धर्मावती गाविसका ९ वटै वडामा वडा टोल भेला गर्ने योजना बनाएको वडा कमिटी उपसचिव सरिता दसौदीले जानकारी दिईन् ।

प्रकाशित मिति: शुक्रबार, फागुन २६, २०७९ १७:४७

प्रतिक्रिया दिनुहोस्