काठमाण्डौँ : नक्कली भुटानी शरणार्थी प्रकरणमा मुछिएका नेकपा एमालेका सचिव टोपबहादुर रायमाझीलाई पार्टीले पदबाट निलम्बन गरेको छ ।
राज्यले गरेको अनुसन्धानमा सहयोग पुगोस् भन्नका लागि विषयको किनारा नलाग्दासम्म रायमाझीलाई पदबाट निलम्वन गरिएको पार्टी महासचिव शंकर पोखरेलद्धारा हस्ताक्षरित विज्ञप्तीमा उल्लेख गरिएको छ ।
पार्टी नेतृत्वलाई दिएको विश्वासविपरीत सम्बन्धित निकायमा रायमाझी उपस्थित नभएको विषयलाई मंगलवार बसेको केन्द्रीय सचिवालयको बैठकले गम्भीरतापूर्वक लिँदै रायमाझी अविलम्ब सम्बन्धित निकायमा उपस्थित भएर अनुसन्धानमा सहयोग गर्न पार्टीले निर्देशन समेत गरेको छ । प्रहरीले प्रक्राउ पुर्जी जारी गरेलगत्तै अर्घाखाँचीको कार्यक्रमबाट काठमाण्डौँ फर्कदै गर्दा रायमाझी हालसम्म फरार छन् ।
.jpg)
