मणि थापा र टोपबहादुर रायमाझी ओलीतिर

राजनीति

Home
News
मणि थापा र टोपबहादुर रायमाझी ओलीतिर

मणि थापा र टोपबहादुर रायमाझी ओलीतिर

मंगलवार, पुष ७, २०७७ आजको पोष्ट

काठमाडौं : सत्तारुढ नेपाल कम्युनिस्ट पार्टी (नेकपा)का नेताहरु मणि थापा र टोपबहादुर रायमाझी प्रधानमन्त्री केपी शर्मा ओलीतिर लागेका छन् । थापा र रायमाझी पूर्वमाओवादी हुन् । अध्यक्ष ओली र अर्का अध्यक्ष पुष्पकमल दाहाल ‘प्रचण्ड’ले अलग–अलग केन्द्रीय कमिटी बैठक बोलाएपछि नेताहरु दुई खेमामा बिभाजित भएका छन् ।

पूर्व माओवादी पृष्ठभूमिका लेखराज भट्ट यसअघि नै ओलीतिर लागेका छन् । उनी प्रधानमन्त्री ओलीले सोमबार बोलाएको सांसदहरुको भेलामा मञ्चमै थिए । सांसदहरुको भेलामा नदेखिएका रायमाझीसँगै स्थायी कमिटी सदस्य मणि थापा भने केन्द्रीय कमिटी बैठकका लागि बालुवाटार पुगेका छन् ।

यसअघि नेकपाका स्थायी कमिटी सदस्य समेत रहेका थापा प्यूठान र रायमाझी अर्घाखाँची निवासी हुन् । रायमाझी अर्घाखाँचीका प्रतिनिधीसभा सदस्य समेत हुन् ।

प्रकाशित मिति: मंगलवार, पुष ७, २०७७, ०३:३१:३६