गुल्मी प्रशासनको सेवा बन्द

समाज

Home
News
गुल्मी प्रशासनको सेवा बन्द

गुल्मी प्रशासनको सेवा बन्द

सोमवार, माघ १०, २०७८ गंगा खड्का

कर्मचारी संक्रमित

गुल्मी : कर्मचारीहरु कोरोना संक्रमित भएपछि जिल्ला प्रशासन कार्यालय गुल्मीले अत्यावश्यक बाहेकका सवै सेवा ठप्प पार्ने भएको छ । मंगलवारदेखि लागु हुनेगरी अर्को सूचना जारी नहुँदासम्म सेवा बन्द गरिएको प्रशासनले विज्ञप्ती मार्फत जानकारी गराएको छ । अत्यावश्यक सेवा अन्तर्गत शान्ति सुरक्षा र विपत् व्यवस्थापनको सेवा मात्र प्रवाह हुने विज्ञप्तीमा उल्लेख गरिएको छ ।

सहायक प्रमुख जिल्ला अधिकारी सहित, नागरिकता, राष्ट्रिय परिचयपत्र र सहायता कक्षमा कार्यरत कर्मचारीहरु संक्रमित भएको प्रशासनले जनाएको छ । कार्यालयमा सेवाग्राहीहरुको चाँप दिनानुदिन बढ्दै थियो । जरुरी सेवा लिन आउने सेवाग्राहीहरुले स्वास्थ्य सुरक्षाका मापदण्ड सहित खोप कार्ड लिएर आउन समेत कार्यालयले आग्रह गरेको छ । हाल जिल्लामा २ सय ८८ जना संक्रिय संक्रमित छन् ।

प्रकाशित मिति: सोमवार, माघ १०, २०७८, ०७:५६:३०