प्यूठान : बाहाने–स्यालीवाङ जोड्ने निर्माणधिन लुङखोलाको पक्की पुलका सामग्री बाढीले बगाएको छ । निर्माणस्थलमा राखिएका सवै सामग्री बाढीले बगाएपछि निर्माण कार्य रोकिएको छ । लकडाउनले रोकिएको काम बीचमा पूनः सुचारु भएको थियो । पुल सुचारु भएपछि खुसी भएका स्थानीय काम पून रोकिएपछि निराश भएका छन् ।
.jpg)
सडक डिभिजन कार्यालय प्यूठान मार्फत निर्माण थालिएको पुलको निर्माणको जिम्मा अमंर कन्स्ट्रक्सन प्रालि काठमाण्डौँले पाएको छ । निर्माण कम्पनीका प्रतिनिधी दिपेन्द्र शाहीका अनुसार बाढीले अनुमानित ८० लाख रुपैयाँ बरावरको सामग्री बगाएको छ । ‘पुल छिटो सक्नेगरी कामले तिव्रता पाएको थियो’,उनले भने,‘एक्कासी आएको बाढीले सवै सामान बगायो । तत्कालै काम गर्ने स्थिती छैन् ।’ पुलको ढलान भइसकेको छ । बाढीले डाइभर्सन र तटवन्ध बगाएको शाहीले बताए ।
.jpg)
जिल्लाकै दुर्गम गाउँपालिकामा पर्ने नौवहिनी १ स्याउलीवाङ र खवाङका नागरिकलाई लक्षित गरी पक्की पुल निर्माणधिन अवस्थामा रहेको थियो । यस क्षेत्रका नागरिकहरु बजार गर्न र गाउँपालिका कार्यालय बाहाने पुग्नका लागि बर्खामा जोखिम मोलेर वारपार गर्नुपर्ने बाध्यता छ ।
पुलको लागत भ्याट बाहेक ४ करोड २७ लाख ६२ हजार ६ सय ४७ रुपैयाँ रहेको व्यवसायी शाहीले जानकारी गराए । २०७६ चैतभित्रै पुल सम्पन्न गर्ने लक्ष्य रहेपनि कोरोनाले रोकिएको थियो । जेठदेखि पूनः काम शुरु भएको हो । ‘लकडाउनले सामान महंगोमा किन्नु परेको छ’,उनले भने,‘त्यही पनि खोलाले बगायो ।’ बीमा कम्पनीसँग उचित राहतको माग गरिएको उनले बताए ।
.JPG)
.jpg)
