गुल्मी : गुल्मी निर्वाचन क्षेत्र नम्वर २ को प्रतिनिधिसभा सदस्यमा नेकपा एमालेका पार्टी सचिव गोकर्ण विष्ट विजयी भएका छन् । बुधवार दिउँसो सम्पन्न मतगणना अनुसार विष्ट २ हजार ३४ मतको अन्तरले विजयी भएका हुन् । विष्टले २८ हजार ४ सय ७६ र प्रतिस्पर्धी नेकपा एकीकृत समाजवादीकी रामकुमारी झाँक्रीले २६ हजार ४ सय ४२ मत लिइन् । उनीहरुबीच २ हजार ३४ मतान्तर भएको छ ।
यस निर्वाचन क्षेत्रमा जिल्लाका मालिका गाउँपालिका, इस्मा गाउँपालिका, धुर्कोट गाउँपालिका, मुसीकोट नगरपालिका र रेसुंगा नगरपालिकाको वडा नम्वर १ देखि ६ सम्मका वडा पर्छन् । यसअघि विष्टले ०५४, ०७० र ०७४ मा विजयी विजयी भएका थिए । विष्टको यो लगातार चौथोपटकको विजयी हो ।