ग्रामीण खानेपानी तथा सरसफाई कोष विकास समितिको सदस्यमा माण्डवी गाउँपालिका अध्यक्ष नियूक्त

स्थानीय सरकार

गृहपृष्ठ
स्थानीय सरकार
ग्रामीण खानेपानी तथा सरसफाई कोष विकास समितिको सदस्यमा माण्डवी गाउँपालिका अध्यक्ष नियूक्त

ग्रामीण खानेपानी तथा सरसफाई कोष विकास समितिको सदस्यमा माण्डवी गाउँपालिका अध्यक्ष नियूक्त

मंगलबार, माघ २७, २०७७ आजको पोष्ट

प्यूठान : माण्डवी गाउँपालिका अध्यक्ष श्रीधर रोकालाई खानेपानी मन्त्रालयले खानेपानी तथा सरसफाई कोष विकास समितिको सदस्यमा मनोनित गरेको छ । माघ २१ गतेको मन्त्रीस्तको निर्णयले रोकालाई तीन वर्षे कार्यकालका लागि सदस्यमा नियूक्त गरेको हो ।

देशभर रहेका ४ सय ६० वटा गाउँपालिकाहरु मध्येबाट रोकालाई मन्त्रालयले नियूक्त गरेको हो । समिति ७ सदस्यीय हुने मन्त्रालयले जनाएको छ । नेपाल सरकारलाई प्राप्त हुने वैदेशिक सहायता अन्तर्गत खानेपानी मन्त्रालयबाट विनियोजन हुने बजेटलाई परिचालन गरी ग्रामीण तहको खानेपानी समस्यालाई समाधान समितिले काम गर्ने रोकाले जानकारी दिए ।

यूवा अवस्थादेखि राजनीति क्षेत्रमा लागेका नेता रोका जिल्लाका ९ स्थानीय तहका प्रमुखहरुमध्ये उमेरका हिसावले कान्छा अध्यक्ष हुन् । यूवा अवस्थामा नै गाउँ सरकारको नेतृत्व सम्हालेका रोका हालसम्म जिल्लाका स्थानीय तहहरुमध्येमा विवाद रहित कार्यसम्पादन गरिरहेका छन् ।