योजना छनोट गर्नुअघि बस्तीमा पुगेर संभाव्यता अध्ययन

स्थानीय सरकार

गृहपृष्ठ
स्थानीय सरकार
योजना छनोट गर्नुअघि बस्तीमा पुगेर संभाव्यता अध्ययन

योजना छनोट गर्नुअघि बस्तीमा पुगेर संभाव्यता अध्ययन

सोमबार, पुस २५, २०७९ बासुदेव गिरी

प्यूठान : प्यूठानको झिमरुक गाउँपालिका वडा नम्बर ६ ले योजना तथा कार्यक्रमको बजेट बिनियोजन गर्नुअघि टोल बस्तीबाट आएका योजना तथा कार्यक्रमको सम्भाब्यता अध्ययन शुरु गरेको छ ।

वडा अध्यक्ष धन बहादुर पुनको नेतृत्वमा वडा सदस्य प्राविधिक र सम्बन्धित योजनाको उपभोक्ताहरुको उपस्थितमा बस्तीस्तरबाट आएका योजनाको आवश्यकता र उक्त योजनामा कुनै बिवाद छ वा छैन् भनेर जानकारी लिन आयोजना स्थलमै पुगेर कार्यक्रमको अध्ययन तथा छलफल थालिएको हो ।
बस्ती स्तरबाट आएका योजना तथा कार्यक्रममा अनुसन्धान तथा आवश्यकता पहिचान नगरी बजेट बिनियोजन गर्दा कार्यान्वयनको चरणमा विवाद हुने र योजना सम्पन्न गर्न समस्या भएको भन्दै बजेट बिनियोजन गर्नु पूर्व नै समस्या समाधान गर्न र योजानाको आवश्यकता पहिचान गर्न लागिएको वडा अध्यक्ष धनबहादुर पुनले बताए ।

उनका अनुसार वडा बस्तीबाट छनोट भई आएका ६१ योजना तथा कार्यक्रमको स्थलगत अनुगम गरिएको बताए । हिउँदे अधिबेशनको लागि पालिकाले वडा कार्यालयलाई २५ लाख बजेट सिमा भित्र रहेर २८ गते भित्र पालिकामा योजना तथा कार्यक्रम बनाएर पेश गर्नको लागि वडालाई अख्तियारी दिएको छ ।

गाउँबस्तीमा धेरै समस्या रहेका छन् । त्यस्ता सबै समस्याको क्रमागत रुपमा हल गर्दै जाने वडा सदस्य हेमराज भट्टराईले बताए । अनुगमनको क्रममा बस्तीस्तरमा खानेपानी, सिंचाइ, सडक, शिक्षा र स्वास्थ्य लगाएको निकै समस्या रहेकोले क्रमश वडाबाट हुने वडाबाट हल गर्ने र ठुला योजना तथा कार्यक्रमको लागि पालिका हुँदै प्रदेश र संघ सरकारलाई अनुरोध गर्ने गरि कार्यक्रम तयार गर्ने वडा अध्यक्ष पुनले जानकारी दिए ।

प्रकाशित मिति: सोमबार, पुस २५, २०७९ २०:२५

प्रतिक्रिया दिनुहोस्