निःशुल्क स्वास्थ्य शिविरमा बाढियो म्याद नाघेका औषधी

स्वास्थ्य /शिक्षा

गृहपृष्ठ
स्वास्थ्य /शिक्षा
निःशुल्क स्वास्थ्य शिविरमा बाढियो म्याद नाघेका औषधी

निःशुल्क स्वास्थ्य शिविरमा बाढियो म्याद नाघेका औषधी

आइतबार, फागुन २१, २०७९ आजको पोष्ट

गुल्मी : गुल्मीको रेसुङ्गा नगरपालिकाले संचालन गरेको बृहत निःशुल्क स्वास्थ्य शिविरमा विरामीलाई म्याद गुज्रेका औषधी वितरण गरेको छ । बुटवलको चौराह हस्पिटल प्रालीको प्राविधिक सहयोगमा नगरपालिकाले शनिवार तम्घासस्थित महेन्द्र माध्यमिक विद्यालयमा स्वास्थ्य शिविर संचालन गरेको थियो ।

नसा रोग सम्वन्धी उपचार गराउन शिविरमा आएकी रेसुंगा नगरपालिका ८ की एक महिलाले आफूलाई म्याद गुज्रेको औषधी दिएको बताइन् । ती महिलाले घरमा छोरीलाई औषधीको म्याद हेर्न भनेपछि गुज्रेको औषधी भएको पत्ता लागेको हो । ‘एमिजोड–१०’ नामको उक्त औषधी महिलालाई दिइएको हो । उनी सहित अन्य दश जना विरामीलाई शिविरमा म्याद गुज्रेका औषधी दिइएको छ ।

सर्वसाधरण नागरिकहरुको स्वास्थ्यप्रति खेलबाड गरेर म्याद नभएको औषधी दिएको भन्दै महिलाले नगरपालिकाप्रति आक्रोश पोखेकी छन् । वितरण गरिएको औषधीको म्याद २०२३ जनवरीमा सकिएको छ । उनले लगेको म्याद गुज्रेको औषधीमा विरामीलाई विक्री गर्न नमिल्ने ‘फिजिसियन स्याम्पल नट फर सेल’ समेत लेखिएको छ ।

शिविर उद्घाटनपछि आफू काठमाण्डौँ आएको र म्याद गुज्रिएका औषधीको बारेमा जानकारी नभएको रेसुंगा नगरपालिकाका प्रमुख प्रशासकीय अधिकृत हरिप्रसाद अर्यालले प्रतिक्रिया दिए ।

प्रकाशित मिति: आइतबार, फागुन २१, २०७९ २०:३४

प्रतिक्रिया दिनुहोस्