बुटवल : लुम्विनी प्रदेशको स्थायी मुकाम तोकिएको राप्ती उपत्यका देउखुरी क्षेत्रमा पूर्वाधार निर्माण नबन्दै बुटवलबाट जवरजस्त राजधानी सार्न खोजिएको भन्दै नेकपा एमाले र नेपाली कांग्रेस रुपन्देहीले ध्यानाकर्षण गराउँदै विरोध जनाएका छन् ।
आइतवार दुवै पार्टीले प्रेस विज्ञप्ती जारी गर्दै काम चलाउ सरकारले राजधानी सार्न खोज्नु गलद कदम भएको उल्लेख गरेका हुन् । जवरजस्त राजधानी सार्ने काम तत्काल रोक्न दुवै पार्टीले सरकारसँग माग गरेका छन् ।
पूर्वाधारबीना राजधानी लैजादा सेवा प्रवाहमा समेत प्रतिकुल असर पर्ने उनीहरुको ठहर छ । मुख्यमन्त्री कुलप्रसाद केसी नेतृत्वको काम चलाउ सरकारले हतारहतारमा राजधानी सार्न खोज्नु सस्तो लोकप्रियता मात्र भएको विज्ञप्तीमा उल्लेख गरिएको छ । यसअघि रुपन्देहीमा क्रियाशिल कर्मचारीहरुका पेशागत संगठनहरुले पनि संयूक्त विज्ञप्ती जारी गर्दै राजधानी सार्ने कदमको विरोध जनाएका छन् ।
.jpg)
.jpg)
