प्यूठान : बुधवार समुदायस्तरमा कोरोना संक्रमण देखिएपछि प्यूठान नगरपालिकाले दुई वडाका निश्चित क्षेत्र शिल गर्ने निर्णय गरेको छ । नगरपालिकाको वडा नम्वर ४ को जुम्रि पुलचोकदेखि वडा नम्वर ७ को टिकुरीस्थित माझकोट जानेबाटोसम्म शिल गर्ने निर्णय भएको नगरप्रमुख अर्जुनकुमार कक्षपतीले जानकारी दिए । समुदायमा थप कोरोना नफैलियोस् भन्नका लागि नगरपालिकास्तरीय विपत् व्यवस्थापन समितिले आकस्मिक निर्णय गरेको कक्षपतीले बताए ।
आज राती १२ बजेदेखि १७ गते राती १२ बजेसम्म अत्यावश्यक बाहेक बस्ती र बजारक्षेत्र शिल गरिएको उनले जानकारी दिए । नगरपालिकाले कोरोनाबाट बच्नका लागि सरोकारवाला सवैलाई हातेमालो गरेर अघि बढ्न आग्रह समेत गरेको छ । बुधवार आएको रिपोर्ट अनुसार घरमै बसीरहेका दुई जना व्यक्तिमा कोरोना पोजेटिभ देखिएको हो ।
.jpg)
.jpg)