बामगठवन्धनको झिमरुकमा बृहत र्‍याली

राजनीति

गृहपृष्ठ
राजनीति
बामगठवन्धनको झिमरुकमा बृहत र्‍याली

बामगठवन्धनको झिमरुकमा बृहत र्‍याली

सोमबार, वैशाख २६, २०७९ आजको पोष्ट

झिमरुक (प्यूठान) : बामगठवन्धन एकताको सन्देश प्रवाह गर्नका लागि झिमरुक गाउँपालिका प्यूठानमा सोमवार बृहत मोटरसाइकल ¥याली निकालिएको छ । दुईसय बढी मोटरसाइकलमा सवार नेता, कार्यकर्ताहरुले झिमरुक वरिपरि ¥याली निकालेका हुन् । झिमरुक ५ ढाँडबाट शुरु गरिएको ¥याली बाँदीकोट, डाडाँखर्क, सौतामारे छेडा, पूनः सौतामारेफेदी, बांगेफेदी, मच्छि, तोरवाङहुँदै पूनः मच्छिमा फर्केर कोणसभा गरिएको छ । ¥यालीमा नेकपा एमाले र नेकपा माओवादी केन्द्रका नेता, कार्यकर्ता सहभागी थिए ।

मच्छिमा आयोजित कोणसभालाई सम्वोधन गर्दै नेकपा माओवादी केन्द्रका लुम्विनी प्रदेश कमिटी सदस्य एवं झिमरुक इन्चार्ज विश्ववन्धु थापाले वैशाख ३० गतेपछि झिमरुकमा बागठवन्धनको सरकार बन्नेमा ठोकुवा गरे । राजमोको नेतृत्वमा बनेको झिमरुक सरकार र पिल्सिएर बसेका झिमरुक क्षेत्रका नागरिकहरुले अब परिवर्तनको महशुस गर्ने उल्लेख गरे । नेकपा मसालले झिमरुकलाई आफ्नो पेवा र अधिनस्तको रुपमा राख्न खोज्दा उनीहरुसँग सहमती हुन नसकेको बताए ।

झिमरुक गाउँपालिका अध्यक्षका उमेदवार पार्टीका जिल्ला संयोजक पित बहादुर एमसीलाई लेखिएको सचेत पत्र पार्टीको आन्तरिक विषय भएको उनले प्रष्ट पारे । यही सचेत पत्रलाई राजमोका कार्यकर्ताहरुले अपवाह फैलाएको जानकारी दिए । ‘यही अवस्थाबाट बुझिन्छ साथीहरुले हारको महशुस गर्न थालिसकेछन् ।’ उनले आफ्नै पार्टीको चुनाव चिन्हबाट लडेका उमेदवारलाई एमालेले समेत साथ दिएकाले जित सुनिश्चित भएको समेत ठोकुवा गरे ।

कोणसभालाई सम्वोधन गर्दै नेकपा एमाले झिमरुक गाउँपालिका अध्यक्ष इन्द्रमणी पोखरेलले लामोसमयसम्म राजमोको सत्ताबाट पीडित भएका नागरिकहरु सत्ता बदल्न चाहेको महशुस भइरहेको उल्लेख गरे । बोल्न र समूहमा छलफल गर्नसमेत बन्देज गर्ने उक्त पार्टीको सस्कार धेरैले मन नपराएर पार्टी परिवर्तन गरिरहेको सुनाए । मोटरसाइकल ¥याली र घरदैलोमा पुग्दा समुदायले दिएको मायाँ र सम्मानले जितको आभाश भइरहेको जानकारी गराए । कोणसभाको सहजीकरण प्यूठान—रुपन्देही सम्पर्क मंचका उपाध्यक्ष जेवी क्षेत्रीले गरेका थिए ।

प्रकाशित मिति: सोमबार, वैशाख २६, २०७९ २१:४४

प्रतिक्रिया दिनुहोस्