बुटवल : ऐरावती गाउँपालिका–४ तिल्केनीकी प्यूठानकी ८ वर्षिय बालिका सोना सुनार मामाघर बस्छिन् । आमा अनिता सुनार १ छोरा र २ छोरीको पालनपोषणका लागि भारतमा मजदुरी गर्छिन् । आमाबुवाको सम्वन्धमा खटपट आएपछि बुवा साथमा छैनन् । मामाघरकी हजुरआमाको सहारामा उनी बस्दै आएकी छिन् ।
वैशाख २० गते सोना घरको बार्दलीबाट खसेपछि टाउकोमा गम्भिर चोट लाग्यो । विहान बेलुकाको छाक टार्नै मुश्किल पर्ने यो परिवारलाई आपत्ती आइलाग्यो । उपचार गर्न लैजाने कसैको आँट भएन् । गम्भिर घाइते भएकी बालिकालाई आर्थिक अभावका कारण तीन दिनसम्म घरमै राखियो । हातमा काँडाले ‘घोच्दा’ समेत सहन नसक्ने मानवीय अवस्थामा ती अवोध बालिका तीन दिनसम्म घरमै छटपटिइन् बाध्य भइन् ।
.jpeg)
ऐरावती गाउँपालिकाका अध्यक्ष नविलविक्रम शाहसँग उनको पीडाको खवर पुग्यो । अध्यक्ष शाहले लुम्विनी सिटी अस्पताल बुटवलका संचालक झिमरुक गाउँपालिका–५ प्यूठान निवासी बसन्त जिसीलाई निःशुल्क उपचारका लागि आग्रह गरे । शाहको आग्रहलाई जिसीले सहजै स्वीकार गरेपछि वैशाख २३ गते राती ती बालिकालाई उपचारका लागि बुटवल पु¥याइयो ।
गरिबको छानोमुनी हुर्किएकी बेसहारा सोनाका लागि बसन्त साहारा बने । शल्यक्रिया गरेर आइसियूमा राखेर उनको उपचार गरियो । ६ दिनको उपचारपछि उनी निको भएर घर फर्किएकी छिन् । लुम्विनी सिटी अस्पतालका न्यूरो सर्जन डाक्टर टिके सिँहको नेतृत्वमा बालिकाको शल्यक्रिया गरिएको छ । बच्चाको टाउकोमा रगत जमेको थियो ।
.jpeg)
शल्यक्रिया सहितको उपचार खर्च, आइसियू र औषधी सहित गरी भएको झण्डै तीन लाख रुपैयाँ खर्च अस्पतालका संचालक जिसीको नेतृत्वमा पूर्ण रुपमा निःशुल्क गरिएको छ । उपचार नपाएर घरमै छटपटिएकी सोनाले नयाँ जीवन पाएकी छन् । ‘सामाजिक उत्तरदायित्व वहन गरेर बच्चाको उपचार गरेका हौँ’,जिसीले भने,‘उपचारमा सलंग्न डाक्टर र अस्पताल परिवारको पनि साथ मिल्यो र उपचार निःशुल्क गरिएको छ ।’
.jpg)
