प्यूठान : प्यूठानमा दिनप्रतिदिन चोरीका घटनाहरु बढ्दै जानथालेपछि गौमुखी गाउँपालिकाले चोर समात्ने व्यक्तिलाई नगद दश हजार रुपैयाँ पुरस्कार दिने घोषणा गरेको छ । बुधवार गाउँपालिकाले सूचना सार्वजनिक गर्दै गाउँपालिका क्षेत्रमा चोर समात्ने जो सुके व्यक्तिलाई नगद पुरस्कार दिने सार्वजनिक गरेको हो ।
गाउँपालिकाले घुमन्ते व्यापारीहरुलाई अर्को सूचना जारी नहुँदासम्म गाउँपालिका क्षेत्रमा प्रवेश गर्न समेत रोक लगाएको प्रमुख प्रशासकीय अधिकृत घुम बहादुर घर्तीले जानकारी दिए । पछिल्लो समय गौमुखी सहित झिमरुक गाउँपालिकामा चोरीका घटनाहरु अत्यधिक बढ्दै गएका छन् । चोर घरभित्रै पसेर घरधनीलाई बेहोस बनाई लाखौ रुपैयाँ नगद र सुन चोरी गर्ने गरेका छन् ।
गाउँमा कुनै शंकास्पद व्यक्ति फेला परेमा प्रहरीलाई वा वडाध्यक्षहरुलाई खबर गर्न गाउँपालिकाले आग्रह गरेको छ । व्यक्तिका घरदेखि पसल, वडा कार्यालय, स्वास्थ्यचौकी र विद्यालयसम्ममा चोरी भएको छ ।
.jpg)
.jpg)
